O pasado VENRES 28 de NOVEMBRO ás 20:00 HORAS no SALÓN DE ACTOS do ATENEO FERROLÁN (Rúa Magdalena, 202-204), apresentouse públicamente para o seu debate un proxecto de RADIO LIBRE E COMUNITARIA para Ferrol e o seu entorno.

Nesa asemblea aberta, ademáis de delimitar en que contexto das radios comunitarias ou libres queremos estar, formalizaronse comisións de traballo de persoas activas, para esta primeira etapa: divulgación do proxecto, constitución dunha asociación cultural, asesoramento legal, técnico, procura dun local, fórmulas de financiamento. Cremos firmemente, de aí­ a nosa ilusión e empeño, que a materialización deste proxecto constituirí­a un punto de encontro para todos aqueles colectivos que hoxendí­a dinamizan Ferrolterra dende abaixo.

As radios libres, comunitarias, culturais ou alternativas,responden a experiencias de comunicación horizontal baseadas na procura de novas fórmulas de relación entre comunicador e ouvinte, donde a interacción, a estimulación da diversidade cultural, a experimentación ou a aposta pola autoxestión, fronte o patrocinio institucional ou de influintes corporacións, se convierten en protagonistas.

O vindeiro VENRES 12 de DECEMBRO NO ATENEO FERROLÁN, haberá unha nova ASEMBLEA ABERTA, na que se formalizará un plan de traballo para os vindeiros meses, cun obxectivo moi claro: o financiamento neste primeira etapa.

Difunde esta mensaxe entre tod@s aquelas persoas ou colectivos que, dende a súa posición e posibilidades, poidan contribuir a facer realidade este proxecto de radio feito dende abaixo por tod@s nós.