Estas cavidades que forman parte do Macizo Montañoso oriental constitúen o patrimonio subterráneo máis salientable da nosa Terra. Durante moito tempo permaneceron esquecidas o que axudou a súa conservación. Recentemente o interese de particulares, colectivos e organismos públicos sobre as covas está pondo en perigo a súa fráxil integridade.

Os Clubs G.E.S. Club Montañeiros Celtas, Rey Gerión, G.E.S. Irmandiños, G.E.S. S.M. Artabros, G.E. Lugo, Grupo de Investigación e Práctica Espeleolóxicas, A Plataforma de Asociacións Defensa Medioambiental de Chantada, G.E. Arcoia, Amigos da Terra, Sociedade Galega de Historia Natural, Taller de Educación Ambiental, I.E.S. Xelmirez, Greenpeace, ERVA, Adega, Hábitat, WWF Adena, Sociedad Española para estudio y conservación de los murciélagos, e Plataforma Cí­vica para a defensa do ecosistema da Cova do Rei Cintolo entre outros, manifestan a súa preocupación polo vandalismo e destrucción que sofren tanto a fauna e as formacións de espelotemas coma os importantes restos arqueolóxicos e paleontolóxicos que albergan as Covas do Rei Cintolo.

Asemade estas entidades veñen de solicitar que a CC.AA. de Galicia se dote de normas especí­ficas que se ocupen de regular o acceso as covas como formacións xeolóxicas singulares e coma lugares susceptibles de seren estudiados con medoloxí­a arqueolóxica e paleontolóxica. Galicia é das poucas autonomí­as que non conta con lexislación no referente a cavidades.